Wednesday , January 17 2018
Home / Urdu Ghazal / Mujh Kamli Ka Singhaar Piya

Mujh Kamli Ka Singhaar Piya

مجھ کملی کا سنگھار پیا
ان سانسوں کا سردار پیا

تجھ بن در، چھت، دیوار ڈسے
تجھ بن سونا گھر بار پیا

ہر جذبے کی پہچان بھی تو
تو سانول ، تودلدار پیا

ان سر آنکھوں پر حکم ترا
میں مانوں ہر ہر بار پیا

تو ہی میرا غمخوار سجن
میں کرتی ہوں اقرار پیا

اب سانسیں چُور و چُورہوئیں
اب آ مل تو اک بار پیا

اک دکھ نے گھیرا ڈال لیا
اب لے چل نگری پار پیا

ہے من اندر اک آس تری
تُو سانسوں کو درکار پیا

ہر منزل پا کر ہجر ملے
سب راہیں بھی پر خار پیا

تو پاکیزہ سی ایک دعا
یہ دل تیرا دربار پیا

اک سکھ سے سوئے وصل ترا
جانے کب ہو بیدار پیا

پھر چاہت کی اک بات توکر
مت چپ چپ رہ کر مار پیا

تک تک راہیں اب نین تھکے
یہ برسیں زار و زار پیا

اب دے ہاتھوں میں ہاتھ مرے

میں اک تیری بیمار پیا

Mujh Kamli Ka Singhaar Piya


About admin

Check Also

Sun Saanson K Sultan Piya – Complete Ghazal

سُن سانسوں کے سلطان پیا سُن سانسوں کے سلطان پیا ترے ہاتھ میں میری جان …

Leave a Reply

Your email address will not be published. Required fields are marked *